Bu test vasitəsilə DAAD təqaüdünə müraciət zamanı alman və ya ingilis dil biliklərini sübut edən sertifikat almaq mümkündür.

Testdə yalnız DAAD təqaüdünə müraciət edən şəxslər iştirak edə bilər.

Bütün iştirakçılar imtahana öz notebooklarını gətirməlidirlər. Bu notebookun WiFi şəbəkəsinə daxil olma funksiyası və Google Chrome brauzeri olmalıdır.

OnSET nə vaxt keçiriləcək?

OnSET 24 və 26 oktyabr 2022-ci il tarixlərində baş tutacaq.

24.10.2022 tarixində keçiriləcək onSET imtahanı üçün son qeydiyyat tarixi: 21.10.2022; 17:00

26.10.2022 tarixində keçiriləcək onSET imtahanı üçün son qeydiyyat tarixi: 25.10.2022; 17:00

OnSET harada keçiriləcək?

OnSET imtahanı Alman Dili Tədris Mərkəzində keçiriləcəkdir.

Ünvan: Bəşir Səfəroğlu küç. 133, Bakı 1009, Azərbaycan

Testin qiyməti nə qədərdir?

DAAD təqaüdünə müraciət edənlər üçün test ödənişsizdir.

Testi kim edə bilər?

Yalnız DAAD təqaüd proqramına müraciət edən şəxslər imtahanda iştirak edə bilər.

İştirak etmək istəyirəmsə nə etməliyəm?

1. Tam məlumatlarınızla www.onset.de saytında qeydiyyatdan keçin.

2. chelidze@daad-georgia.org elektron poçtuna mail yazın və mütləq onSET testini alman və ya ingilis dilində vermək istədiyinizi bildirin (ingilis dilində)

3. Həmin maildən TAN (Əməliyyat Nömrəsi) ilə bir cavab məktubu alacaqsınız.

4. www.onset.de saytına daxil olaraq müvafiq imtahan tarixini və saatı TAN ilə qeyd edin və imtahanı verəcəyiniz dili seçin. Test mərkəzi olaraq „DAAD İnformationszentrum“ göstərin. Buna baxmayaraq imtahan Alman Dili Tədris Mərkəzinin ofisində baş tutacaq.

5. İmtahan günü Alman Dili Tədris Mərkəzinin ofisinə gəlin.

6. İmtahana nə gətirməliyəm?

Şəxsiyyəti təsdiq edən sənəd (pasport və ya şəxsiyyət vəsiqəsi) və notebook gətirməlisiniz.

Notebookunuzu gətirməyi unutmayın

OnSet saytı üçün giriş məlumatlarınızı unutmayın: username və password. Testdən keçə bilmək üçün öz notebookunuzda yenidən OnSet-də qeydiyyatdan keçməli olacaqsınız.

Hər hansı bir sualınız varsa, müraciət edin: chelidze@daad-georgia.org (ingilis dili).